九號水產鮑魚美食嘉年華　鮑魚$20起有得食【有片】

黃埔九號水產向以韓國鮑魚聞名，由即日至18日，舉辦全港首個韓國鮑魚節，屆時九號水產將會化身成鮑魚嘉年華，設有大型pop-up美食市集。大部分鮑魚小食由$20起，還設有磯燒活海鮮區，自己揀鮑魚自己燒，趁這幾天周末連父親節加端午假期，一家大細去大玩大食吧！

去片看：

鮑魚小食口味繁多

▲ 汁煮鮑魚和角切鮑魚串都皆是$20，一客翻本。(曾有為攝)

這幾天九號水產全場會的鮑魚美食，由兩大日式料理「饒之味」居酒屋及「頤之味」壽司吧主理，提供約20款現場即製韓國鮑魚美食及其他精緻小食，口味多多，$20一客翻本的包括：原隻汁煮鮑魚、鮑魚汁溏心蛋蒟蒻麵、XO 醬什菌炒鮑魚、角切鮑魚串。

▲ 原隻鮑魚刺身都只是$60隻，亦可揀來作磯燒吃。(曾有為攝)

而$40的口味亦不強弱，如煮日高昆布鮑魚串、迷你鮑魚沙律杯、黑松露一口鮑魚鮭魚他他、涼拌粒粒露筍鮑魚等。

自助海鮮磯燒限定

▲ 隻隻鮑魚都新鮮生猛，一撈上手便會綣縮。(曾有為攝)

場內海鮮街會備有大量空運到港的鮮活韓國鮑魚，供食客即點即撈即製原隻活鮑魚刺身($60隻)。

即場磯燒專區，有3款海鮮組合選擇，以$100特價推出：
A餐：活鮑魚1隻，廣島蠔1隻，魷魚一份；

B餐：活鮑魚1隻，生波士頓龍蝦半隻；

C 餐 : 活鮑魚1隻、廣島蠔1隻、帆立貝1隻。

▲ 自己揀鮑魚再組合其他海鮮，自己現場磯燒幾好玩。(曾有為攝)

購買形式是以美食通行証(Food Pass)形式進行，每張通行証售價為$200，客人憑証在場內攤檔按菜式及飲品定價蓋印使用，優惠豐富，如一次過購買兩張通行証，即送指定小食一客；

又如一日內買滿九張美食通行証(最多累積兩張即日單據)，即獲送即食鮑魚一罐(100克，內有三顆鮑魚)等，多買多送。

▲ 現場設有鮑魚小食和各類飲品攤檔，用Food Pass蓋印形式。(曾有為攝)

除了小食檔外，場內更增設攤位遊戲，鮑魚探知館，介紹鮑魚養殖及生態知識，並邀得韓國文化及舞蹈團體到場表演，最適合愛吃海鮮的港人歡渡節日

INFO

日期：6月15日至18日
時間：6月15日 2pm-10pm、6月16日至18日 1pm-10pm
地點:  紅磡德豐街8號黃埔新天地第九期地下九號水產

【更多本地遊資訊】

【延伸閱讀】香港國際旅遊展著數攻略　台灣館送來回台灣機票及酒店住宿【內附詳情】

【延伸閱讀】香港國際旅遊展著數攻略　東瀛遊推半價歐洲團優惠

【延伸閱讀】旺角新商場T.O.P主打韓國潮流品牌　參觀怪物遊戲室